- 148 -

1347. Mai 31. Liegnitz.

Herzog Wenzel, mit seinem Bruder Herzog Ludwig, verschreibt dem Franzco, Inhaber der liegnitzer Erbvogtei, den koischwitzer See für 60 Mrk. dergestalt, dass, wenn auch der Landesfürst den See wieder an sich lösen sollte, gleichwohl der Erbvogt einen Fischer darauf halten darf.

In nomine domini amen. Nos Wenczeslaus dei gracia dux Slesie dominusque Legnicensis, vniuersis publice recognoscimus per presentes, quod cum animo deliberato in bona nostri corporis valitudine, consilio nostrorum fidelium prehabito diligenti et specialiter cum fauore et consensu ducis Ludwici fratris nostri karissimi, rite ac racionabiliter vendidimus fidelibus nostris Franczconi aduocato hereditario nostro in Legnicz et Hanconi Albi Wernheri, ementibus et recipientibus pro se vel pro ipsis et ipsorum heredibus et legitimis successoribus, lacum nostrum situm in fine ville Coskewicz districtus Legnicensis pro sexaginta marcis grossorum Pragensium Polonici pagamenti, quas predicti, Franczco et Hanco, simul et semel nobis cum paratis denarijs persoluerunt, dedimusque et donauimus, porreximus et contulimus predictum lacum cum omnibus suis vtilitatibus et appendijs, cum aqua et piscibus, cum munibus littoribus, cum viis ad lacum eundi et ab ipso redeundi, cum arundinibus interius et exterius, cum omni piscatura et venacione omnium auium, quibuscumque nominibus nominantur, prout idem lacus in omnibus suis littoribus et pertinenciis circumferencialiter locatus est et distinctus, eisdem Franczconi et Hanconi et ipsorum heredibus et successoribus perpetuis temporibus possidendum, tenendum, vendendum, uel ad amicos ipsorum viciniores deferendum et in suos vsus beneplacitos conuertendum. Et si predicti, Franczco et Johannes, lacum antedictum venderent, vel in aliquos suos vsus conuerterent et cuicumque vel quibuscumque personis nos conferre et porrigere promittimus et debemus, nullas pecunias pro tali resignacione repetendo. Sed si ipsum lacum predictum pro nostro dominio aut pro nostra coquina propria reemere possumus pro sexaginta marcis grossorum simul indiuisim cum paratis denariis persoluendis, in hoc nos predicti, Franczco et Hanco, nullatenus debebunt impedire; promittimus insuper Franczconi aduocato sepedicto, quod, si lacum sepedictum reemere nos continget, quod ipse et sui successores vnum piscatorem liberum in eodem lacu piscantem habere debent ad aduocaciam hereditariam in Legnicz perpetue pertinentem, a nobis et a nostris officialibus aut famulis nullum penitus impedimentum sustinendo. In hujus memoriam presentem dedimus litteram appensione nostri sigilli confirmatam. Datum et actum Legnicz anno domini millesimo trecentesimo XLVII°, feria quinta post festum trinitatis, presentibus fidelibus nostris domino Rulone Curdebok, domino Gawino Abescacz, Johanni (!) de Swabesdorf, Bernhardo Trachen, Stephano Trachen, Heyncone Buch et domino Nicolao de Rotenkirche plebano, qui presencia habuit in commisso et aliis multis fide dignis.

O. d. St. L. No. 64. An grüner und rother Seidenschnur das stark beschädigte Wappensiegel in rothem Wachs. — Bitschens Privilegb. f. LXXIb.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866